كل شيء عن الانفلونزا

كل شيء عن الانفلونزا

بواسطة / عصام خالد

هواي تجينا اسئله عن لقاح الإنفلونزا

هل لقاح الإنفلونزا الموسميه يستعمل للوقايه من الإنفلونزا الوبائيه H1ni ⁉  نعم

لأي عمر نكدر ننطي ⁉ :الأطفال من عمر ست أشهر فما فوق

الجرعه⁉ من عمر ست أشهر إلى ٣٥ شهر ننطيهم ربع سي سي (يعني نص الابره)

من عمر ٣٦ شهر إلى ٨ سنوات ننطيهم الابره كامله

البالغين ابره كامله

عدد الجرعات⁉الأطفال غير الملقحين سابقا (بالسنوات السابقه) إلى تتراوح أعمارهم من ست أشهر إلى ٨ سنوات

ياخذون جرعه هسه وجرعه ثانيه بعد شهر

من عمر تسع سنوات فما فوق سواء كانوا ملقحين مسبقا أو لا

يأخذون جرعه واحده فقط

نكدر ننطي للحامل  أو المرضع ⁉ نعم ممكن تأخذه وبجرعه كامله إلى هي ( نص مل)

مكان الحقن⁉ بالعضله الداليه لليد غير المهيمنه

IM injection in the deltoid of non dominant hand

من هم الأكثر حاجه للقاح ⁉

⛔العاملين بالمجال الصحي :الأطباء و أطباء الأسنان والصيادلة و المختبرات

⛔الحامل

⛔الاطفال

⛔كبار السن

⛔مرضى المصابين بالأمراض المزمنه

⛔مرضى المصابين بأمراض نقص المناعه

شنو الأعراض الجانبية للقاح ⁉هي أعراض انفلونزا خفيفه يعني ارتفاع بسيط بالحراره، ألم قليل بالعضلات،  رشح قليل يستمر من يوم إلى ٨ ايام  وبالغالب مايطول أكثر من ٤٨ ساعه ومايحتاج اي شي غير البارستمول

وبعض الناس مايسوى لهم أي أعراض جانبيه

زين منو مايصير ننطي لقاح ⁉ إلي عنده حساسيه البيض وحساسيه من دوا neomycin والي اخذ سابقا لقاح الإنفلونزا و صار عنده تحسس إله

إشراف الدكتورة لمى ناجي عبدالرزاق